أم الفضائح في كازينو لبنان
كتب فراس بو حطوم على صفحته في الفيسبوك :
طبعاً الكل بيعرف النائب تبع البوغاتي حبة المليون ونص دولار الان عون ..
من شهرين كان ميشال عون عّم يخطب بالجماهير معلناً الحرب على الفساد .. بنفس الوقت كان السيد الان عون عّم يدحش شقيقه داني عون بكازينو لبنان كمستشار براتب عشرة مليون ليرة شهرياً …
وطبعاً لتمرق هيك تمريقة كان لازم اسكات الخصم الأكثر نهماً للفساد .. نبيه بري .. فتم تعيين مقرب منه من ال جابر بصفة مستشار ايضاً وبراتب عشرة مليون ليرة
انتبهوا ما خلصت قصة الفساد هون .. لنضحك ونبكي… مدير عام كازينو لبنان المُعين من حصة رئيس الجمهورية قام بتحسينات على الكازينو .. فإقترح بناء مدرج لهبوط طوافات الهليكوبتر .. وهيك صار .. ولحتى يبيضوا وجهم مع الرئيس عملوا احتفال ودعوا الرئيس للحضور وأعلموه انه سيحضر بالطائرة لكي يفتتح المدرج
وعندما وصل فخامته للمدرج لم تتمكن الطائرة من الهبوط بسبب مكان مدرج الهبوط القريب من جدار أسمنتي ضخم… فاضطر الطيار إنزاله في ساحة اوسع ملاصقة للكازينو وأعادوا نقله بالسيارة
تعوا لنبكي
المدرج كلّف ١٧٠ الف دولار … راحوا …
وحسب ما قالت لي العصفورة .. ان احد المسؤولين ثار غضباً وقال للمدير : مين الحمار اللي عمل هيك مهبط
دمتم بعهدة هذا العهد القوي .. يطول عمرك فخامتك عّم تتعب بمحاربة الفساد … هيدا المنشور بمثابة اخبار لفخامتك .. بعرف انك مش عارف انو جماعتك عّم يمارسوا الفساد .. معذور فخامتك العمر الو حق … فنحن عيونك عالارض .. فخامتك وصيتنا كشعب لبناني نكون مؤازرين للقضاء وللمؤسسات الرقابية لان الشعب مسؤول ايضاً ونحنا عملاً بتوجيهاتك عّم نخلي عيونا عشرة عشرة عالفاسدين وخاصة جماعتك فخامة الرئيس…
#عهد_النفاق
#عهد_الفساد
